नेपालसहित विश्व नै हल्लाएको बहुचर्चित अधिकारी हत्या प्रकरणको फैसला आज हुँदै!!!!!

चितवन, ९ असोज । माओबादी द्धन्द्धको समयमा भएको आफ्नो छोराको हत्यारालाई कारवाहीको माग गर्दै बाबुआमा नै आमरण बसेपछि चर्चित बनेको गोरखा फुजेलका कृष्णप्रसाद अधिकारी हत्या प्रकरणको फैसला आइतबार हुँदैछ ।

 अनसनका क्रममै बाबु नन्दप्रसाद अधिकारीको दुई वर्षअघि मृत्यु भएपछि न्यायका लागि उनले अधिकारी दम्पत्तिले उठाएको कदमले विश्वको ध्यान खिचेको थियो । हत्या गरिएका अधिकारीकी आमा नन्दमाया भने अहिलेसम्म अनसनमै रहँदै न्यायको लागि लडिरहेकी छन् ।

अहिले भने केही दियता अनसन रोकेर अदालतको फैसला कुरिरहेकी छन् । चितवन जिल्ला अदालतका सूचना अधिकारी कृष्ण बरालले प्रमाण बुझ्ने र बकपत्र लिने काम सकिएकोले आइतबार अन्तिम पेशी तोकिएको जानकारी दिए । उनका अनुसार यस घटनाका वादी तथा प्रतिवादीतर्फका वकिलको मुद्दा पेशी नहटाए तोकिएकै दिन आइतबार फैसला हुनेछ ।

 छोरा कृष्णप्रसादको हत्यारालाई कारबाही माग गर्दै अनशनमा बसेकी गंगामायाले गएको भदौ २७ गते अनशन तोडेकी थिइन । चितवन जिल्ला अदालतको श्रेष्तेदारसहितको टोलीले असोज २ गते वीर अस्पतालमै पुगेर गंगामायासँग बकपत्र गरेको थियो !!!

२०६१ जेठ २४ गते कृष्णप्रसाद अधिकारीको चितवनको रत्ननगरमा हत्या भएको थियो ।  नन्दप्रसाद अधिकारीले आफ्नो छोरोको हत्या माओवादीबाट भएको भन्दै जिल्ला प्रहरी कार्यालय चितवनमा जाहेरी दिएका थिए । त्यसको एक वर्ष ६ महिनापछि कृष्णप्रसादका दाइ नुरप्रसादले १३ जनाविरुद्ध किटानी जाहेरी दिएका थिए ।

चितवन जिल्ला अदालतले २०७१ वैशाख ४ गते किटानी जाहेरी भएका मध्ये ८ जनालाई धरौटीमा र तीन जनालाई साधारण तारिखमा छोडेको थियो । यस घटनामा संलग्न भनिएका दुईजना अझै सम्पर्कमा आएका छैनन् ।