अमेरिकी राष्ट्रपति बराक ओबामाले चीनले आफ्नो आक्रामक ब्यवहारको परिणाम भोग्नु पर्ने चेतावनी दिएका छन् ।विवादित दक्षिणी चीन सागरमा चीनले देखाइरहेको ब्यवहार आक्रमक रहेको भन्दै ओबामाले छिमेकी चिढ्याउने चीनले परिणाम भोग्नु पर्ने चेतावनी दिएका हुन् ।
अबामाले भनेका छन्, “मैले चिनियाँ राष्ट्रपतिलाई सन्देश दिनका लागि भने कि, अमेरिका संयमता अपनाएर मात्र यहाँ पुगेको हो” ।
जी २० सम्मेलनमा चीन पुग्दा अपमानित भएका ओबामाले त्यहाँबाट सिएनएनलाई दिएको अन्तर्वार्तामा भनेका छन् कि, ”हामी अन्तराष्ट्रिय मानक र नियमको पालना यसकारण गर्छौं किन भने हामी यसलाई मान्नु पर्छ भनेर होइन यसमाथि विश्वास भएर । दीर्घकालीनरुपमा अन्तराष्ट्रिय ब्यवस्था मजबुद गर्नु सबैको हितमा छ ।”
ओबामाले चीनले अन्तराष्ट्रिय मानक र नियम विपरित काम गरेमा त्यसको परिणाम भोग्न तयार हुनु पर्ने चेतावनी समेत दिएका छन् । चीनको शान्तिपूर्ण उदयलाई अमेरिकाले स्वागत गर्ने तर शक्तिहिन र विघटनको दिशामा रहेको चीन सबैका लागि खतरनाक हुने समेत ओबामाले बताएका छन् ।
चीनले भने दक्षिणी चिनियाँ सागरमा अन्तराष्ट्रिय हस्तक्षेप स्वीकार्य नहुने बरु युद्ध गर्न तयार रहेको बताउँदै आएको छ । ओबामाको पछिल्लो अभिब्यक्तिले अमेरिका र चीन दक्षिण चाइना सागरमा भिडन्तको मुडमा रहेको देखाएको विश्लेषकहरुले बताएका छन् ।
स्मरण रहोस जी २० सम्मेलनमा सहभागी हुन चीन पुगेका अमेरिकी राष्ट्रपति बराक ओबामालाई चीनले रेडकार्पेट स्वागत नगरेको विषयलाई लिएर अमेरिका र चीनबीच तनाव चलिरहेको छ । ओबामालाई विमानस्थलबाटै अपमान गरेर बेइज्जत गरिएको भन्दै अमेरिकी संस्थाहरुले प्रतिक्रिया जनाउन थालेपछि चीन र अमेरिकाबीच सम्बन्ध चिसो हुने अनुमान पनि शुरु भएका छन् ।
ओबामा चीनको विमास्थल पुग्दा अप्रत्यासित अवस्थाको सामना गर्नु परेको थियो । विमानस्थल पुग्नासाथ चिनियाँ अधिकारीहरुले राष्ट्रपति ओबामाका स्टाफलाई झपारे । हाङ्झुमा ओबामाको विमानस्थलमा ओर्लिनासाथ चिनियाँ सुरक्षा अधिकारीहरुले एक निल्लो रसी ढाँगेर पछाडी रिपोर्टर्सहरुलाई धकेलेका थिए । रसी नाग्न खोजेपछि चिनियाँ सुरक्षा अधिकारीहरुले ओबामाका एक स्टाफलाई झपारेका थिए । सुरक्षा नियम मिचेको भन्दै अमेरिकी राष्ट्रपतिका स्टाफलाई चिनियाँ अधिकारीहरुले यो हाम्रो देश हो, विमानस्थल पनि चीनकै हो भन्दै झपारेको अन्तराष्टिय सञ्चार माध्यमले जनाएका छन् ।
No comments:
Post a Comment